影片
更多
2018-12-23
41 瀏覽
人生有幾多機會有得食omakase，同事升職請食飯，一請就請呢間omakase！平時食開好多日本野，但今次實在太好食，值得好好紀錄下食左d咩！侍應安排我地食在吧台師傅前面，我地叫左每人888hkd omakase套餐。好快有人過黎問我地有咩唔食得，然後又送上熱毛巾比我地抹手，好細心！全個晚上師傅就o係我地面前準備食物，菜色由佢發板，每次上菜都好好介紹一番，慢慢每碟每碟上，比我地度過左一個漫長而又perfect既晚餐！前菜：海膽茶碗蒸每一次食日本野都會食茶碗蒸，本人一見到呢個前菜真係大喜！海膽味滲落去蒸蛋，海膽應該係上碟之前放落去，唔會焗到太熟，新鮮味濃，加上配料豐富，難得見到有香葉，令蒸蛋味更出！剌身三食：師傅會因剌身既濃味程度上碟，首先係較淡味既時令魚。每一件剌身都非常非常新鮮，明顯比外面食到的鮮甜好多倍，可以在香港食到咁上等既剌身，真係好似上左天堂咁！最令我驚喜既係最濃味既火灸左口魚剌身，魚油味充滿成個口腔，齒頰留香！炭燒吞拿魚鮫：一般吞拿魚食法都係拖羅剌身，原來其他部位都可以用黎上菜！魚鮫即係魚既下巴，雖然冇咩魚肉，但油脂豐富，記住魚油好有營養價值，食多少少都okay!間場時間：
侍應安排我地食在吧台師傅前面，我地叫左每人888hkd omakase套餐。好快有人過黎問我地有咩唔食得，然後又送上熱毛巾比我地抹手，好細心！全個晚上師傅就o係我地面前準備食物，菜色由佢發板，每次上菜都好好介紹一番，慢慢每碟每碟上，比我地度過左一個漫長而又perfect既晚餐！
前菜：海膽茶碗蒸
每一次食日本野都會食茶碗蒸，本人一見到呢個前菜真係大喜！海膽味滲落去蒸蛋，海膽應該係上碟之前放落去，唔會焗到太熟，新鮮味濃，加上配料豐富，難得見到有香葉，令蒸蛋味更出！
剌身三食：
師傅會因剌身既濃味程度上碟，首先係較淡味既時令魚。每一件剌身都非常非常新鮮，明顯比外面食到的鮮甜好多倍，可以在香港食到咁上等既剌身，真係好似上左天堂咁！最令我驚喜既係最濃味既火灸左口魚剌身，魚油味充滿成個口腔，齒頰留香！
炭燒吞拿魚鮫：
一般吞拿魚食法都係拖羅剌身，原來其他部位都可以用黎上菜！魚鮫即係魚既下巴，雖然冇咩魚肉，但油脂豐富，記住魚油好有營養價值，食多少少都okay!
間場時間：
在下一碟菜之前，師傅送上精緻小碟清酒浸車厘茄，酒味不太多，反而帶出車厘茄的清甜味，加上啫哩同花瓣鋪面，閃令令，好似一件藝術品！
壽司6件：
壽司飯好似每一粒都沾有了醬油，加上師傅加了少少wasabi，基本上唔使點鼓油都已經好入味。每一款壽司都整到好精緻，加上師傅介紹時令魚的來源及資料，好似上左一堂書咁！
此時我同同事都已經飽飽的，但仲有不同野食：
天婦羅，蜆肉湯，拖羅容手卷
甜品：海鹽雪榚 蕨餅
最後加上呢兩款甜品，為整個晚上劃上完美的句號！
張貼
