鮨月 (已結業)

小妹其實一路都好想試下食omakase，呢日終於的起心肝同朋友嚟咗呢間位於灣仔月街嘅 日本餐廳，初嘗omakase 好滋味。呢間餐廳嘅omakase除咗 可以食到刺身同壽司之外，仲包括多款熱食，所以唔係特別好魚生嘅食客都啱食架~ 第一道菜係仁奈刺身、鮟鱇魚肝同炸沢蟹。刺身食落有淡淡柚子香味，鮟鱇魚肝味道都幾鮮味，炸沢蟹食落脆卜卜，雖然三者口感各異，但味道出奇地夾wor ~ 刺身方面仲有厚岸蠔、北寄貝刺身配炸北寄貝肝臟。厚岸蠔非常鮮甜，配上海葡萄口感層次更加豐富； 北寄貝刺身好爽口， 雖然北寄貝極光作有啲苦澀味，但係味道都幾特別，值得一試~ 另外仲有赤身同中拖羅刺身，因為新鮮，所以一d 腥味都無呀!!! 壽司有五款，其中三款都係魚類，但係配咗唔同嘅調味料，三款味道都非常鮮甜，各有特色。 當中我覺得大拖羅壽司係最好味嘅，因為魚肉非常肥美呀!! 另外仲有牡丹蝦配魚子壽司，蝦肉爽口，魚子食落卜卜爆開，鮮甜到爆呀!!熱食種類亦都唔少，包括炸豬扒、煙肉蘆筍串燒、燒白鱔、天婦羅同明太子炒烏冬。 每款熱食都非常美味， 當中我覺得燒白鱔同煙肉蘆筍串燒係最好味嘅!! 因為燒得好香好惹味 😋 食到呢個時候其