삼삼뼈국

營業中

休息中

放咗工之後男朋友話想食呢間韓國餐廳，話係韓國過嚟好出名。叫三三。一坐低男朋友就投訴話book唔到枱，如果要食燒肉就要上網book枱，但佢又唔知點樣book，所以最後就要食鍋物。我出發之前都嘗試想喺OpenRice度book枱，但都搵唔到途徑。 但即場book嘅話出面都有10幾個人等緊，唔想排隊。咁好快就叫咗土豆脊骨鍋，加泡菜同金菇，本身個湯都有西洋菜唔使另外加。等咗一陣加熱之後，就是飲啲湯湯，都舒服嘅，但唔係話好特別。之後些埋D 啲肉啦，其實即係泰國嗰個火山排骨，一模一樣。啲薯仔冇想像中咁驚艷，都係普通薯仔味，金菇都係不過不失。反而佢個冷麵係幾好食嘅，個汁同啲麵底同啲配料都好夾，我一個人都食得晒。另外加咗杯$40嘅柚子汽水，本身諗住覺得好頹，但係都幾好飲，但係都幾細杯飲兩啖就已經飲到底啦。咁樣埋單都食咗$500左右。