PizzaExpress (已結業)

話說當日上完兩間廠，番到香港時同行朋友話要去 High Tea，成五點咁滯，於是飛的去九龍塘睇下食唔食得切啦！本來想試 Greyhound 單骨雞翼，友人話想去 Pizza Express 喎，所以最後揀左呢度。由於呢個唔係午飯又唔係晚飯時間，所以唔駛等就可以入座。我地冇睇下午茶餐牌(其實唔知有冇)，反而點左 set lunch，朋友還未吃午飯呢！我地二人點了午餐既薄餅，另外散點了一客麵包球同橄欖油香辣意粉。點完就享受住天然光吹水等開餐嘞！麵包球一客共有九件，細細件圓圓的好趣緻，配三款醬，分別係牛油﹑香草牛油及莎莎醬。我最愛點香草牛油，好正！午餐既薄餅係有匈牙利腸仔既美國薄餅，配沙律同吃，不過啲腸仔味太搶，好濃味。最後嚟既係橄欖油辣炒意粉，要考意大利餐廳廚房點這個就啱了，冇乜配料但好講調味到唔到家，呢間不過不失啦！平時又一城既食肆喪等位，even 喺公司附近的分店也要排，你話係咪好食到點都要等又未至於，但今日唔駛等就有得嘆真係相當唔錯呀！