正村壽司 (已結業)

今日係灣仔行到差唔多十點先去食晚餐，行到大有商場見到有間正村壽司，所以行去試下，入面的卡位比較狹窄，我兩個人叫左幾樣食物，有兩色凍素麵（素麵 抹茶麵）、燒鯖魚、蟹子沙律、串燒盛合（5款）、幾件壽司同幾件軍艦壽司。不過條燒鯖魚食入口入面啲肉有點凍，仲有的軍艦壽司的紫菜全部都淋哂，不過食物方面大致上啲味道都ok既！價錢方面一個人大約都要$130-150左右，所以食物同價錢都大致上都可以接受。