盛八日式燒肉放題店 (已結業)

今日同一個朋友過黎燒肉吹水，總括而言都OK既。今次我地叫左個黑松露帆立貝，燒汁牛胸腹同芝士泡菜石鍋飯。黑松露帆立貝燒落去幾香，但食落就冇咩黑松露味，不過肉質都幾嫩，好重海水味，幾新鮮。燒汁牛胸腹肉質真係好嫩滑，口感十足，而且好重牛味，品質好好，燒汁都帶到佢既牛味出黎。芝士泡菜石鍋飯味道就有少少辣，泡菜同芝士原來幾夾，芝士既咸膩中和左泡菜既甜辣，口感好得意。