華嫂冰室 (已搬遷)

終於食到華嫂！

食物質素唔錯，但無嘩一聲。

冰花奶茶無咩冰花，唔夠凍。不過味道平衡做得唔錯，有茶香。

咸牛肉包個包好正，我估係新鮮焗起。但係咸牛肉加芝士我個人覺得太咸，如果用甜味既醬汁中和一下應該會令味道提升。

招牌菠蘿包幾特別，甜甜地幾好食，而且個蛋整得幾好，有少少蛋汁，但無覺得好好食既感覺。個包好大個，女仔食一個已經好飽。

btw，一定無下次。因為2點開門，我地2點10分到都係烈日下等左80分鐘！好彩既係入到冷氣位，如果唔係食咩都無味。