影片
更多
2019-09-24
196 瀏覽
日日蒸腸粉 #旺角呢間位於新之城，開舖短短幾個月，就已經係Facebook見過人介紹，佢最特別之處係賣皺皮腸粉，仲有個芫荽蒸腸粉，不過我唔係特別好芫荽所以就冇試。雞蛋碎牛腸粉配蜆肉 $29皺皮腸粉比起一般香港食到嘅齋腸粉薄，所以更加滑脫脫，呢間嘅腸粉都算滑嘅，不過個粉漿就有啲黐，食落去有少少一pat pat嘅感覺。好在佢碎牛同蜆肉嘅份量都唔算少，所以食落去都有返少少咬口。另外佢哋唔係用豉油作調味，而係加咗一支味道似XO醬嘅油落去，都算幾好味，不過就有啲油膩。另外有一個唔係幾好嘅位，就係佢嘅雞蛋分布唔平均，所以食嘅時候有一啲係完全冇雞蛋，有一啲就係好多雞蛋，啲雞蛋最埋一齊搞到嗰個部份會好厚，冇咗皺皮腸粉嗰種滑脫脫嘅感覺。味道: 3.8/5性價比: 3.5/5
呢間位於新之城，開舖短短幾個月，就已經係Facebook見過人介紹，佢最特別之處係賣皺皮腸粉，仲有個芫荽蒸腸粉，不過我唔係特別好芫荽所以就冇試。
雞蛋碎牛腸粉配蜆肉 $29
皺皮腸粉比起一般香港食到嘅齋腸粉薄，所以更加滑脫脫，呢間嘅腸粉都算滑嘅，不過個粉漿就有啲黐，食落去有少少一pat pat嘅感覺。好在佢碎牛同蜆肉嘅份量都唔算少，所以食落去都有返少少咬口。
另外佢哋唔係用豉油作調味，而係加咗一支味道似XO醬嘅油落去，都算幾好味，不過就有啲油膩。
另外有一個唔係幾好嘅位，就係佢嘅雞蛋分布唔平均，所以食嘅時候有一啲係完全冇雞蛋，有一啲就係好多雞蛋，啲雞蛋最埋一齊搞到嗰個部份會好厚，冇咗皺皮腸粉嗰種滑脫脫嘅感覺。
味道: 3.8/5
性價比: 3.5/5
碎牛雞蛋腸粉配蜆肉
$29
67 瀏覽
0 讚好
0 留言
張貼
