影片
更多
2007-07-29
9 瀏覽
今日男朋友話想食壽司，就去左呢間度食，期望大左d，所以有少少失望！等位唔係等太耐，因為0岩0岩有order檯，所以比其他人快左少少。叫左好多壽司，但大致上都不過不失，不過太少選擇，唔夠盡興！最好味：-(1)燒牛肉壽司- 好有牛肉味，比和牛壽司好，但價錢差好遠(和牛壽司一舊$40，而燒牛肉壽司兩舊好似係$26)，掂！(2)吞拿魚腩壽司(一舊$40) - 食到我男朋友lam lam咀，就係因為呢件野，佢話會再黎食喎！=.="(3)海膽壽司(兩舊$40) - 好新鮮！d海膽全部係一條條既，唔係好似其他地方果d，面頭就一條條，下面就一pat pat！(4)蒸蛋($16) - 好滑，幾好味！大碟過北海道果d好多！唔多掂既有：-(1)牡丹蝦(一舊$40) - 可能我太草根啦！見到隻蝦比甜蝦大少少，當堂覺得唔抵，食落去無話啖啖肉，更加唔抵，雖然上面有d蝦膏，但.....我覺得好腥羅！唔多掂+唔抵(2)炸天婦羅蝦冷烏冬($40) - 以呢個價錢，有返咁上下大碟都ok既！但d烏冬好硬，好似未煮熟咁.....減分！d蝦&配菜好好好好多油..........減分！其他就一般啦，質素同元祿、元氣果d差唔多！
叫左好多壽司，但大致上都不過不失，不過太少選擇，唔夠盡興！
最好味：-
(1)燒牛肉壽司- 好有牛肉味，比和牛壽司好，但價錢差好遠(和牛壽司一舊$40，而燒牛肉壽司兩舊好似係$26)，掂！
(2)吞拿魚腩壽司(一舊$40) - 食到我男朋友lam lam咀，就係因為呢件野，佢話會再黎食喎！=.="
(3)海膽壽司(兩舊$40) - 好新鮮！d海膽全部係一條條既，唔係好似其他地方果d，面頭就一條條，下面就一pat pat！
(4)蒸蛋($16) - 好滑，幾好味！大碟過北海道果d好多！
唔多掂既有：-
(1)牡丹蝦(一舊$40) - 可能我太草根啦！見到隻蝦比甜蝦大少少，當堂覺得唔抵，食落去無話啖啖肉，更加唔抵，雖然上面有d蝦膏，但.....我覺得好腥羅！唔多掂+唔抵
(2)炸天婦羅蝦冷烏冬($40) - 以呢個價錢，有返咁上下大碟都ok既！但d烏冬好硬，好似未煮熟咁.....減分！d蝦&配菜好好好好多油..........減分！
其他就一般啦，質素同元祿、元氣果d差唔多！
張貼