Ocio (東港城) (已結業)

今日過嚟坑口同朋友食lunch ，佢話想食東港城近期新開嘅文青feel餐廳，原來係ocio我好耐之前喺旺角分店食過晚餐，對比之下坑口呢間寬敞好多，風格亦都唔一樣，不過當日冷氣實在唔夠，全程都覺得好焗。我叫 午市套餐- 煙三文魚野菌蕃茄忌廉汁意粉 ，有兩大片煙三文魚，意粉彈牙，略嫌醬汁唔夠多，但都食到有香濃茄味，中規中矩。是日餐湯係蘑菇湯，蘑菇味突出，有唔少蘑菇碎粒，但煮得太稀！套餐包$33以下飲品，我擇蜜桃紅茶，茶包浸左一陣間就拎起，免得茶味過濃，帶香甜蜜桃味，飲完茶個人都提神啲。