美心MX (已結業)

尋日(31-5-2014 Sat)同男友去柴灣o既羅屋民俗館睇,由於呢晚約o左佢朋友們9:00pm後至食晚飯,雖然唔太餓,但都食啲o野先.咁o岩o黎到係2:30pm左右,有下午茶未呢?去邊o度食好呢?同樣走入呢個商場睇,好似冇茶餐廳,唔….有美心喎.去睇吓.有位,咁就呢o度啦,而且我有幾張coupon,男友先買.佢買o左$27.50o既迷你叉燒飯+三竇,加$6.00要橙七喜特飲,有劵就o係茶餐減$2.00.而我就要$27.50o既鐵板豉汁排骨炒麵配紅豆冰,同樣用劵減$2.00.買齊開餐,原來男友o既三竇係咖哩魚蛋,豬皮同蘿蔔,叉燒係瘦叉燒,顏色好似好好.而我o既鐵板豉汁排骨炒麵份量唔多.食得喇,試吓男友o既咖哩三竇,蘿蔔唔多夠腍,唔入味,不過原來唔入味都幾好,因為啲咖哩汁幾辣;魚蛋同豬皮口感正常冇問題;而瘦叉燒呢,竟然唔差,佢肉質鬆軟,蜜汁味道夠甜,但如果係半肥瘦會重好.至於杯橙七喜特飲咁簡單o既o野,自製都得.而我o既鐵板豉汁排骨炒麵呢,炒麵冇炸過唔脆口,排骨肥o既多,而味道,都算幾鹹,好一般.紅豆冰奶多過豆,成杯唔太甜,紅豆都腍晒,雖然問題唔大,但都係爭少少.