影片
更多
2009-04-26
6 瀏覽
見又上報紙又長期有人龍，以爲應該好好食啦今日為左要試一次，就等位等左超過一粒鐘，點知嘥哂我D時間點左以下食物： 鳳爪排骨飯：排骨唔錯，而且飯唔太硬，不過得一只鳳爪，兩個人無得分 油菜：無話好唔好，顔色幾靚而且帶有甜味 豬潤腸粉：唯一水準之作，腸粉皮好薄好滑，豬潤亦好爽口好好味 燒賣：我覺得OK不過友人就話唔夠味，但係唔算特別好食 馬拉糕：我鍾意，味道好香，質感好得，不過友人話鬆得濟，一夾就散 鷄札：塊火腿好好食，同埋用左鷄髀菇幾特別，整體味道一般 珍珠鷄：糯米勁多，而且味道單調，非常失望 酥皮叉燒包：無人地捧到咁好吃，唯一好處係熱辣辣夠新鮮，不過都唔見有叉燒，而且因爲多左層皮，好甜！如果唔哂等位我都會考慮再去，不過要我再等就一定NOWAY！仲有呀，D位逼到呢，好唔舒服。而且對筷子同個杯一摸上手油淋淋，倒完杯茶都未飲，已經見到有層油浮面，好難頂！唔好話價錢平就唔好要求高，其實樣樣野細細碟，計落唔算平！下次寧願去鴻星。如果四季大廚係呢種質素，我都無謂去四季。想去的朋友，自己計下值唔值你的寶貴時間等位啦！WASTE OF MY TIME!
今日為左要試一次，就等位等左超過一粒鐘，點知嘥哂我D時間
點左以下食物：
鳳爪排骨飯：排骨唔錯，而且飯唔太硬，不過得一只鳳爪，兩個人無得分
油菜：無話好唔好，顔色幾靚而且帶有甜味
豬潤腸粉：唯一水準之作，腸粉皮好薄好滑，豬潤亦好爽口好好味
燒賣：我覺得OK不過友人就話唔夠味，但係唔算特別好食
馬拉糕：我鍾意，味道好香，質感好得，不過友人話鬆得濟，一夾就散
鷄札：塊火腿好好食，同埋用左鷄髀菇幾特別，整體味道一般
珍珠鷄：糯米勁多，而且味道單調，非常失望
酥皮叉燒包：無人地捧到咁好吃，唯一好處係熱辣辣夠新鮮，不過都唔見有叉燒，而且因爲多左層皮，好甜！
如果唔哂等位我都會考慮再去，不過要我再等就一定NOWAY！仲有呀，D位逼到呢，好唔舒服。而且對筷子同個杯一摸上手油淋淋，倒完杯茶都未飲，已經見到有層油浮面，好難頂！
唔好話價錢平就唔好要求高，其實樣樣野細細碟，計落唔算平！下次寧願去鴻星。如果四季大廚係呢種質素，我都無謂去四季。想去的朋友，自己計下值唔值你的寶貴時間等位啦！
WASTE OF MY TIME!
張貼