鐵板一 (裝修中)

今日有個同事介紹話呢度永光中心開咗一間新嘅西式餐廳！平時lunch我都好少出去食，多數都食得簡單啲！但係今次呢個同事介紹，所以就出咗去食嘢！首先講吓店員嘅服務質素，呢間餐廳嘅店員服務態度幾好，有用心講解安心出行，同埋有介紹吓Menu！環境方面，餐廳採用左比較暗嘅光，令到成個環境好有氣氛，雖然我係一個人嚟食，但係都感受到有好寧靜同清幽嘅環境！食物方面，叫咗鐵板咖喱吉列豚王飯，呢個咖喱吉列豚王飯嘅豬扒好好食，吉列粉啱啱好，而且炸完之後豬扒都依然保持到好多嘅肉汁！再加上呢個咖喱汁好好食，配合埋啲飯一齊，成個味道好夾！