為食龍 (已結業)

見到open rice 既食物相幾靚，就選擇左黎試。但餐廳距離地鐵站相當遠，要行十五分鐘左右先到。環境佈置好靚，好多綠色植物，感覺好relaxed好chill，好適合飲住咖啡聊天。見呢度賣點係腐皮壽司，點了炙燒蟹膏厚燒玉子同芝士蟹籽厚燒玉子，兩個都超級好味，唔會有蟹腥味。個烏冬好creamy，好濃郁，好正！個炸雞有啲似快餐店脆香雞翼，如果有個甜酸醬就更好。個芝士帶子都非常有口感，加上厚厚一片芝士，真係好味！仲有個飲品奶蓋白玉烏龍，好特別，味道唔會太甜，反而好清新，賣相又好，打卡一流。原本講明得九十分鐘食，但之後坐位鬆動，店員都無趕。