第一郡 (已搬遷) 新店位置

是晚9點幾先放工, 屋企附近既餐廳都差唔多關門, 上openrice搵附近餐廳見到呢間餐廳評語唔錯所以就試下。一入到去已經完全冇人招呼, 自己坐低就睇牆上既menu, 之後叫野食個呀姐唔肯行過黎, 所以要自己對住廚房位置叫大聲嗌野食, 好似以前既大排檔咁請個呀姐黎清潔張檯佢又啤住我咁既樣！叫左越式軟包($28), 雞絲湯河($43)同埋牛油果沙冰($25)。等左一陣個冇禮貌呀姐好大聲咁問我個包要唔要脆, 我答要啦, 佢就話即係我叫$35 o個種, 叫o個陣佢又唔問......我話"唔使喇, 我照要$28 o個個得喇, 唔使咁大個", 最好笑既係我叫o個個其實食落係脆架喎。。。雞絲湯河個湯底唔錯, 雞肉都幾多, 牛油果沙冰都幾fresh, 不過唔夠凍差唔多食完o個陣, 個呀姐就o係度戴住個膠手套倒垃圾呀, 行出行入執野呀咁, 應該係就黎收舖不過估唔到既係, 當我同佢講加多個班蘭綠豆糕既時候, 佢竟然唔除左佢o個隻倒緊垃圾既手套, 照掂住個碟邊咁拎個甜品俾我, 我惟有將件糕放埋一邊食, 盡量唔好掂到個碟邊啦。。。班蘭綠豆糕係好食既, 好煙un, 味道都好特別, 其他地方冇食過呢樣野, 令人