凪豚骨拉麵 (已搬遷) 新店位置

近排先知原來前豚王師傅另立門戶去左大坑!今次真係山長水遠去尋回當日回味既味道!剛去到Nagi門口已經有數人等位中，出黎招呼我們的是一位操流利廣東話既日本人，佢好nice甘派order俾我同朋友，又一邊指住牆上圖片介紹有什麼拉麵，場景都幾搞笑😊等左一陣就入得去，個場細細地，大概容下十幾人，逼逼地仲有意思啦～我同朋友都點左"豚王"因為我地都喜歡原味!碗麵一上，第一先要試一口個湯……嘩，就係呢種豬骨湯味，濃而不膩，沒有(豚王）果種豬騷味，呢種很清甜，很久沒有這樣喝多幾口湯喇!流心蛋真的好流心，爽yy~叉燒亦入口即溶，正!終於找回當日去中環排隊食麵既味道喇!公司名字不同了，但食物質量依然，這是師傅的味道!果然係日本正宗，雖然地點遠左d d,但我會再黎!唯一R頭就係明明係Nagi,點解會轉叫B B甘普通呀？