真鮨 (已結業)

陪好姐妹去尖沙咀試婚紗，佢為左報答我就話請我食dinner. 行過見到呢間幾靚嘅日本餐廳，就被吸引左入去試下！開完道門就有靚靚樓梯行上去。睇本menu都用左唔少時間，因為真係包羅萬有，好多選擇！有壽司、卷物、刺身等，唔食生嘅又有鍋物、串燒、飯等！先叫杯啤酒再次賀賀姐妹嫁得出😂😂燒牛肉流心蛋飯，牛肉嫩同個燒汁好味唔咸，加埋流心蛋汁同日本米，正呀！刺身拼盤，絕無戲場，新鮮同大件！姐妹食得好開心！生蠔好大隻，夠肥美！姐妹超鐘意，係生蠔控，我就成全佢食兩隻，佢大讚鮮甜無比🤗最後叫左個教工夫嘅明太子蛋卷，可以煎到蛋嫩不老，入面塞滿明太子☺️☺️☺️滿足！估唔到隨便行竟然搵到間咁驚喜滿意嘅，比個like👍🏼