影片
更多
2020-06-04
50 瀏覽
喺附近洗完牙，夜晚近近地係個商場搵下有咩食，太耐冇嚟，原來已經換咗啲餐廳。仲記得之前嚟呢個位係間西餐廳，都食過好幾次，而家轉左茶餐廳，睇menu食物同價錢都合理，一於試吓。餐廳名聽落去好似好求其咁，所以我都冇乜特別期望，結果出奇地好有驚喜！首先係食物款式好多。咖哩石窩飯扒餐中式小菜連燒肉都有完全係out of my expectation~我哋食咗石燒A4日本和牛片，慢煮雞蛋，甜粟米粒，椰菜絲，白飯啲和牛片都算薄，但就好多汁，脂肪分佈平均，油但好好味~ 做到日/韓式燒肉咁真係好創新，有啲似pepper lunch XD 變咗港式鐵板燒肉，效果都唔錯!! 不過始終因為唔係keep住有火/電熱，唔可以放得太耐。好似我哋咁，因為第一次試，掛住影相，所以未燒完塊鐵板已經唔熱，仲差最後一塊。當然佢哋都好樂意再比一塊加熱嘅鐵板我哋燒埋佢~ 有個小建議，就係啲飯可以另外放碗分開上，咁就唔會每次都得少少位放生肉上去!慢烤BBQ豬肋排拼吉列蝦配意粉，蒜蓉汁啲汁配埋意粉就唔會好乾，而且有啲菜，幾好～！中湯&紅湯 (紅湯偏辣~ )心太軟配雪糕好值得推介，抵食過出面啲甜品店，熱辣辣嘅心太軟配凍冰冰嘅雪糕，si
餐廳名聽落去好似好求其咁，所以我都冇乜特別期望，結果出奇地好有驚喜！首先係食物款式好多。咖哩石窩飯扒餐中式小菜連燒肉都有完全係out of my expectation~
我哋食咗石燒A4日本和牛片，慢煮雞蛋，甜粟米粒，椰菜絲，白飯
啲和牛片都算薄，但就好多汁，脂肪分佈平均，油但好好味~
做到日/韓式燒肉咁真係好創新，有啲似pepper lunch XD 變咗港式鐵板燒肉，效果都唔錯!!
不過始終因為唔係keep住有火/電熱，唔可以放得太耐。好似我哋咁，因為第一次試，掛住影相，所以未燒完塊鐵板已經唔熱，仲差最後一塊。當然佢哋都好樂意再比一塊加熱嘅鐵板我哋燒埋佢~ 有個小建議，就係啲飯可以另外放碗分開上，咁就唔會每次都得少少位放生肉上去!
慢烤BBQ豬肋排拼吉列蝦配意粉，蒜蓉汁
啲汁配埋意粉就唔會好乾，而且有啲菜，幾好～！
中湯&紅湯 (紅湯偏辣~ )
心太軟配雪糕好值得推介，抵食過出面啲甜品店，熱辣辣嘅心太軟配凍冰冰嘅雪糕，size唔大又唔細!!
黑糖仙草奶茶走甜仲有黑糖系列，我揀無糖健康啲，跟餐叫又係抵飲呀!! 都好大杯同足料下~
特別想一讚呢間餐廳嘅服務，除咗一般嘅落單、探熱，又有輕輕介紹點食個和牛set，完全唔係茶記式嘅侍應服務，我哋舉咗好多次手(e.g. 開頭我哋檯冇餐具、凍檸茶冇飲管、調味料樽鹽倒唔到) 都即時+好有禮貌咁回應我哋~ 都唔使加一!
下次如果唔係咁飽，我會想食下個雞蛋仔甜品
張貼
