壽司派 (已結業)

續上回mojo薯塊食評, 本人是十分不喜歡輪大米吃d"一般料"的。今回幾家食肆平排, 最吸引的是pokka cafe, 最唔使排的是另一家西餐廳, 但係就幾門可羅雀, 不禁懷疑其味道。於是最後決定去食sushi, 貪其唔使排得來又唔太"靜"。想坐檯, 結果被派迴轉檯。高椅坐左就冇位放袋, 齋睇呢點就知其唔夠細心。食物選擇都係果d大路野, 味道就.....首先壽司飯質地唔好, 又淋又冇咬勁, 醋也下得稍多, 有陣嗆喉的醋味。魚與飯一沾豉油就即離罩, 食物也不算新鮮。最好吃可算是我的新歡箱押壽司, 不過同一味鯖魚箱押, 吃過sushi hiro的, 又點會安於吃sushi hip的呢?加茶不是自動波的, 由侍應代勞, 密是不夠密, 不過茶味比起自動波茶是好多了。見餐廳幾光猛就入左來, 今次我覺得是我衝動了......講開sushi, 本人是喜歡吃sushi多於sashimi的。可是見隔離果位靚女私自將sushi上面的魚先解體, 沾過醬油再私自合併... 那為何不叫魚生飯?