MOBIN (已搬遷) 新店位置

行到餐廳樓下見到某賓館嘅大招牌以為去錯，好彩樓梯有搶眼嘅錄色貼紙先無摸錯門釘。作為蟲二嘅姊妹店，餐廳融合各國嘅烹調手法，呈現食物嘅本味，創作出別具心思嘅菜式，得呢度先食到㗎咋。想試嘅記得先上網訂座，無得walk in (っ˙༥˙)！𖦹 牛油果煙三文魚他他配脆餅杯 $85將脆餅整碎，配上放上綿滑嘅牛油果醬煙三文魚他他，口感豐富。他他以多款香料調味，亦加入了sour cream，食落毫不單調。𖦹 15香料燉牛肉炒飯配煎蛋 $115閨蜜叫佢做墨西哥西炒飯，連辣度、煙燻香、偏甜偏酸都有得揀，我地就試咗微辣偏酸。賣相同paella有幾分相似，但入口係濃烈嘅香料味，加上橄欖、黑豆，滿滿嘅異國風情，非常濕潤唔乾，燉牛肉亦非常軟腍。𖦹 MOBIN香烤香蕉花生醬甜脆餅 $108bunuelos係拉丁美洲嘅特色食物，係空心嘅脆餅，加上花生、香蕉、朱古力醬，尤如食緊nachos 加香蕉船！𖦹蜜桃冰茶 $60 有一層厚身嘅泡沬，非常refreshing而且唔會過甜。𖦹 紅莓水果酒 $60 無酒精嘅sangria以紅莓汁為主調，加上蘋果、青檸、橙及藍莓等水果，酸酸甜甜，果味濃郁。