影片
更多
2016-03-09
541 瀏覽
我會睇Openrice，但從來未試過寫食評，因為琴晚(28/2/2016)到呢間食店用膳o既不愉快經歷，所以我特登申請咗一個帳戶寫關於呢個食店既食評。之前睇雜誌知道呢個食店好似係由一位姓蕭同姓黃既藝人開既，咁啱琴晚同朋友經過九龍灣，於是特登到呢間食店幫襯食飯。當時大約8點零鐘，我哋搵咗位之後，首先由我朋友揀選食物，我哋打算每人叫唔同既burger諗住一齊share，但落單既時候唔記得咗同店員講話將burger切開一半，於是攞食物既時候我就代我朋友同店員講，禮貌咁問可唔可以將個burger切開一半。點知個外型矮得得、眼細細、皮膚黑黑哋、個樣好細，好似啱啱讀完書出嚟做嘢既MK收銀妹(佢負責收銀之餘亦幫手遞餐)就「劈」咗把刀落個餐盤上，用唔係好有禮貌既語氣同我講：「先生，我畀把刀你自己切啦！」 其實唔幫我切都唔緊要，但個態度唔好咁唔好至得架！OK，呢穫同佢算。之後，我幫我朋友攞食物返去，然後自己再返番去食店買嘢食。我諗住想食B餐，再配洋蔥圈加汽水，咁就同嗰個MK收銀妹話要「Boy餐」加洋蔥圈同汽水。我問有咩汽水揀，開頭我聽唔清楚，因為個MK收銀妹講嘢講得唔清楚又講得好快。我再問，佢態度又好
之前睇雜誌知道呢個食店好似係由一位姓蕭同姓黃既藝人開既，咁啱琴晚同朋友經過九龍灣，於是特登到呢間食店幫襯食飯。
當時大約8點零鐘，我哋搵咗位之後，首先由我朋友揀選食物，我哋打算每人叫唔同既burger諗住一齊share，但落單既時候唔記得咗同店員講話將burger切開一半，於是攞食物既時候我就代我朋友同店員講，禮貌咁問可唔可以將個burger切開一半。點知個外型矮得得、眼細細、皮膚黑黑哋、個樣好細，好似啱啱讀完書出嚟做嘢既MK收銀妹(佢負責收銀之餘亦幫手遞餐)就「劈」咗把刀落個餐盤上，用唔係好有禮貌既語氣同我講：「先生，我畀把刀你自己切啦！」 其實唔幫我切都唔緊要，但個態度唔好咁唔好至得架！OK，呢穫同佢算。
之後，我幫我朋友攞食物返去，然後自己再返番去食店買嘢食。
我諗住想食B餐，再配洋蔥圈加汽水，咁就同嗰個MK收銀妹話要「Boy餐」加洋蔥圈同汽水。我問有咩汽水揀，開頭我聽唔清楚，因為個MK收銀妹講嘢講得唔清楚又講得好快。我再問，佢態度又好唔情願同我講話櫥櫃入面既汽水都可以揀，我揀咗汽水之後就拎咗張飛返埋位等叫攞嘢食。
返去途中，我望望張飛，點知個MK收銀妹同我落錯單 ，將我想叫既B餐轉咗做C餐，收多咗我$3，於是我返番去食店同佢講我話我係叫B餐。MK收銀妹叫我等等，佢攞咗部電話出嚟篤篤篤，我心諗佢緊係計緊佢應該回番幾多錢我。B餐$39，C餐$42，相差$3，佢梗係畀番多收既$3我啦，根本都唔使篤機計。佢個同事都咁同佢講，2個餐差$3，咪畀番$3我囉，駛乜計。佢同佢啲同事講話驚計錯。結果搞咗一陣佢先至畀番$3我。
我番埋位等叫冧把，順便同我個朋友講番頭先既經歷，話個MK收銀妹同我落錯單，話佢態度唔好云云。點知我個朋友都咁認為，同我講話佢頭先叫嘢食既時候都見到嗰個MK收銀妹對佢黑晒面，個樣仲「好寸」 ，成個MK妹咁(所以先安佢個名做「MK收銀妹」)。
無幾耐，MK收銀妹叫我既冧把，我出去攞嘢食然後番埋位。我坐低之後，我個朋友同我講話我攞嘢食既時候，個MK收銀妹向住我哋坐嗰個位既方向舉中指 ，雖然我睇唔到佢舉中指，但我信我朋友講既說話。我朋友話個MK收銀妹雖然向住我哋個方向舉中指，但唔知係咪向住我哋舉，不過佢舉完中指之後縮得好快，好似驚畀人發現咁。「又要威，又要戴頭盔」
雖然我唔知個MK收銀妹係咪針對我而舉中指，但我係非常唔滿意佢咁既服務態度，尤其是係舉中指！！！ 佢既態度唔友善之餘，行為仲更加惡劣！自問我由落單至攞嘢食成個過程都無用好唔友善既態度對佢，你呢種咁既行為只會趕客！！！
我唔知道呢個MK收銀妹係咪呢間食店老闆啲親戚或者朋友，但作為公眾人物，開一間食店除咗食物質素之餘，員工既服務態度同樣重要！！！就算食物有幾咁好食，米芝蓮3星都好，有咩明星推介都好，只要員工既服務態度差都係無用！！！(況且呢間食店既食物水準又唔係特別高，比佢好食既burger店大有店在)我唔知道當事人或者食店老闆會唔會睇到呢篇食評，如果當事人睇到，應該知道我係講緊你。希望你哋睇完之後會作出改善，不過我下次係唔會再幫襯你哋囉
題外話/補充資料：
我以上所講既全部都係親身經歷，全部事實，絕無半點虛言，亦無抹黑。我只係想講出我喺呢間食店用膳既不愉快經歷。
(以上食評乃用戶個人意見 , 並不代表OpenRice之觀點。)
張貼