Milk Top (已結業)

之前milk top係沙田一田做promotion時用正價買左現金卷，買完一星期後就見到係團購見到可以用半價買現金卷，真係吹到啤啤聲！今次就試下買雙球雪糕食，因為單球都要$21, 雙球就$27, 有會員咭仲可以平$1! 用兩張現金卷再加$2!老婆就要特濃朱古力同炭燒咖啡，炭燒咖啡真係有好濃既咖啡味，而朱古力又唔會太甜。我就要香濃黑芝麻同醒胃生姜，黑芝麻味都好濃，但食完成口都係黑芝麻，記得要去沖下個口，生姜就覺得太辣啦，食完陣味仲keep住係個口好耐。雖然都算唔錯，不過我同老婆都覺得雪糕溶得太快啦，要快快手食先得！