Plato Cafe & Bistro (Mikiki)

睇戲前再嚟這餐廳食晚飯，因佢座住超闊落舒適，方便談天聚會。叫了個「精選二人套餐」。法式蟹肉龍蝦湯湯底超香濃，飲落有啲creamy同海鮮味，但又唔會覺得膩，幾暖胃。煙三文魚凱撒沙律沙律新鮮，煙三文魚帶少少鹹香，配埋爽脆嘅沙律菜，幾開胃。波士頓龍蝦龍蝦汁意大利飯意大利飯煮得入味，用咗龍蝦汁煮到飯粒都有海鮮香，份量超足！西班牙黑毛豬鞍架黑毛豬炸到外脆內嫩，肉味香濃又好大份，食落有啲驚喜，唔會乾柴。甜品甜品選擇幾多，但因我吾食得凍野，唯有叫了cheese cake ，味道不錯。整體嚟講，食物同價錢都幾對辦，商場餐廳來說性價比高，服務態度也幾好，有機會會再去試其他款式！