影片
更多
2023-02-13
32 瀏覽
有事要去黃竹坑做，喺附近搵野食都幾難搵下，最後就入左One South Island嘅MeeMeeMe，喺地鐵站附近，位置都算方便。兩個人，叫左招牌咖喱配香茅豬扒、香茅雞翼煎蛋飯($128)、蟹膏蟹肉意粉($148)、芝芝火龍果($55)、班蘭鮮奶($39)。招牌咖喱配香茅豬扒、香茅雞翼煎蛋飯一上枱就好吸引因為陣香茅味好香🤤 料都幾足，本身以為雙拼會每樣少啲，但豬扒、雞翼都仲有各幾舊。咖喱應該係偏馬來西亞咖喱，味道小辣，質地偏稀。蟹膏蟹肉意粉係超級出乎意料地多料，本身預期係蟹膏蟹肉都只係得上面一上撮咁，無諗過撈勻左都仲係啖啖都係蟹肉，係多到唔信😵💫 味道偏重口味啲，而家蟹膏本身就比較漏，所以建議叫嚟大家開心share🥰芝芝火龍果上層係芝士奶蓋，混合左芝士嘅鹹香同奶香。下面火龍果沙冰，本身自己覺得火龍果無咩味，好難想像入口嘅感覺，結果味道屬於比較清甜，值得一試。P.S. 男朋友覺得佢備用火龍果嘅排便功效，個人覺得效果因人而異，但佢又的確親身體驗到🤭喺其他餐廳好少見過有班蘭鮮奶，見佢咁特別就試試佢。偷睇到佢用明治鮮奶去整，所以鮮奶味都好足，班蘭味就比較似係淡淡地浮出嚟，唔會太甜，吊下味都
兩個人，叫左招牌咖喱配香茅豬扒、香茅雞翼煎蛋飯($128)、蟹膏蟹肉意粉($148)、芝芝火龍果($55)、班蘭鮮奶($39)。
招牌咖喱配香茅豬扒、香茅雞翼煎蛋飯一上枱就好吸引因為陣香茅味好香🤤 料都幾足，本身以為雙拼會每樣少啲，但豬扒、雞翼都仲有各幾舊。
咖喱應該係偏馬來西亞咖喱，味道小辣，質地偏稀。
蟹膏蟹肉意粉係超級出乎意料地多料，本身預期係蟹膏蟹肉都只係得上面一上撮咁，無諗過撈勻左都仲係啖啖都係蟹肉，係多到唔信😵💫
味道偏重口味啲，而家蟹膏本身就比較漏，所以建議叫嚟大家開心share🥰
芝芝火龍果上層係芝士奶蓋，混合左芝士嘅鹹香同奶香。下面火龍果沙冰，本身自己覺得火龍果無咩味，好難想像入口嘅感覺，結果味道屬於比較清甜，值得一試。P.S. 男朋友覺得佢備用火龍果嘅排便功效，個人覺得效果因人而異，但佢又的確親身體驗到🤭
喺其他餐廳好少見過有班蘭鮮奶，見佢咁特別就試試佢。偷睇到佢用明治鮮奶去整，所以鮮奶味都好足，班蘭味就比較似係淡淡地浮出嚟，唔會太甜，吊下味都唔錯🍃始終黃竹坑未完成發展，所以本身地區人流都唔多，亦未必會專登入嚟，但如果大家去開海洋公園，又唔想食園內嘅貴貴餐廳/麥當勞，都可以嚟試下😋
= MeeMeeMe @meemeeme3 // 黃竹坑香葉道2號One Island South地下G07號舖 // 3426 9882 =
張貼
