八幡屋涮涮鍋 (已結業)

咁熱都要打邊爐？哈哈哈哈已經無野可以阻到我對邊爐嘅熱愛。每次任食打邊爐的確一直有一種獎勵自己嘅感覺！同屋企人放工約埋係旺角等，旺角最方便啦～中心點，今次我地揀咗一間專食牛涮涮鍋店。上網ig定唔知openrice見到有優惠cap咗圖，澳洲M5和牛海鮮盛宴星期一至四全日買一送一，星期五六日晚市就係二人同行一人半價😯今晚二人同行就岩晒啦。湯底有好多款選擇，店內食物種類包括有即食刺身，壽司，炸物同碗仔翅...數量款式算幾多，真係比想像中多😯肉類有和牛，牛肩脊，豚肉，腩肉，肉質嫩腍，時令海鮮都有好多款，有我最鐘意嘅蝦，材料都算幾新鮮。另外仲有好多火鍋材料可自由取～各種肉丸，腸仔，餃子，蔬菜等等....飲品都係我選擇火鍋店其中一個重點！呢度款式齊備，仲有免費酒類飲品有梅酒同清酒。有酒真係會加分✅啤酒就要自費喇，但係都好抵飲～甜品款色有多款雪糕，冰條(包括我最喜愛既榴槤味都有😆)啫喱，布甸。