雲魅 (已結業)

工作忙碌苦悶，感恩遇上同樣鍾意四周覓食嘅好同事！自從同事上星期尾發掘到間好特別又好玩嘅正宗雲南過橋米線餐廳後，作為米線控嘅我成個weekend個心囉囉攣，默默期待著星期一來臨！Lunch menu有多款選擇，在七彩面/過橋米線之間我二話不說揀左過橋米線，雲魅特色湯底，肉類則在肥牛同豬腩片中揀左豬腩片。Lunch set仲可以係涼拌黑木耳/手撕鬼雞/刀拍青瓜/雲魅辣雞尖中選一款前菜，和包一杯餐飲。 嚟啦嚟啦！熱辣辣嘅湯在熱鍋裏面仲滾下滾下，擺盤好靚，中間係豬腩片下面放左生菜，四邊擺放左十種配料、包括粟米、響鈴、鵪鶉蛋、酥肉、厚餐肉、魚片、炸醬、酸菜、葱同車厘茄，感覺好豐富！侍應同餐檯都附上溫馨提示，教你點樣品嚐最好味嘅七彩面/過橋米線，先放肉類及鵪鶉蛋，再放蔬菜，後放米線，跟住instructions 好易又好玩！ 雲魅特色湯底酸味比辣味重，好開胃。過橋米線質感好爽，唔會黏埋一pat pat。配料最愛就係炸醬同響鈴，炸醬d肉醬令特色湯底更rich，響鈴好脆，勁有打邊爐嘅感覺~ 鵪鶉蛋係少見嘅米線配料，酥肉幾特別，麵糊唔太厚，包著一舊腌製好的豬肉。 前菜黑木耳同手撕鬼雞都好味！加埋杯紅棗蜜