La Serre

營業中

休息中

今日又嚟啦，上次happyhour,今次試試Lunch set.估唔到個折扣lunch set都包。一開始就有個南瓜湯，南瓜湯好濃郁好creamy,南瓜味濃郁，非常好味！而且好適合秋天氣氛！仲有一個小餐包，配合牛油食，雖然肥，但係好好味！之後就係主食啦，係豬肉丸，豬肉丸唔會好肥，肉質比較鬆散，真材實料全部都係豬肉，食落感覺一定無落麵粉啊！豬肉調味係用rosemary,香草味好濃郁，好西式風情！豬肉下面係長豆，仲有三色椒做配菜，一啲紫色食用花，紅色、黃色小番茄，同埋好creamy調味適當的薯蓉，同番茄汁，個主菜份量好多，食到好飽！而且顏色豐富，打卡好好睇！加埋服務好好，一舉手就有人嚟，態度都幾好㗎，有禮貌，食物嚟得快，食曬湯先嚟主菜，時間唔會一次過嚟曬。飲品就係普通奶茶，係茶包茶，加鮮奶比你自己倒，鮮奶感覺比花奶健康，幾好減肥就5加糖啦。下次先試試依度啲咖啡。