壽司處今村 (已結業)

見之前食評咁好，今日就專登走去銅鑼灣食佢既Lunch Sets，兩個人叫左一個$88既壽司拚盤同$108既碎魚生飯。壽司拚盤有十件壽司，件件都好好食，D魚好新鮮而且好大件，一個人未必食得o西! 至於個碎魚生飯，D魚生多到好似唔駛錢咁，而且粒粒都又肥美又新鮮，應該係我食過最正既魚生飯!! 配菜方面，一D都唔遜色，烏冬，前菜，沙律，蒸蛋，全部都有水準，不過最驚喜都係個芝麻雪糕，一陣芝麻香味，真係非常好食!服務方面，因為地方小但人手充足，侍應都非常主動，態度亦十分友善，不過個男經理就真係比較Cool，總體來講唔錯!! 以壽司處今村既水準，兩個人食到滿載而歸都只係二百一十幾蚊，一定會再光顧!!