影片
更多
2005-08-29
13 瀏覽
前幾個月來吃lunch buffet，現在補返個食評先！個時係做緊特價的lunch buffet，星期一至六每位$98(未加一)。見幾扺，而星期六又唔駛返工，就同媽子倆來歷史尤久的這裡看看香港的景色，因為其餘家庭成員唔係要返工，就係唔得閒，咁就做就左我同媽子的二人世界啦！由於我一星期前已book了位，所以佢俾左個好正的位我地，窗口位之餘仲好近食物處，但一入內，就俾左我一個好舊的感覺，佢真係需要翻一翻新至掂呀！食物方面都唔expect會好正，一定同酒店無得比，果然如我所料，確係普通貨色，生蠔唔新鮮，媽子話最正反而係日式八爪魚，但感到味精好重。熱盤選擇唔多，蒸魚明顯係急凍的，我反而鍾意佢的沙律，ｄ醬唔錯，菜的種類都OK，壽司就真係一般啦，好冷飯feel，硬硬的，而甜品有雀巢的杯裝雪糕，幾衛生但太普通，其他甜品都只係一般，款式都係少，覺得最好味係個麵包布甸。但係以這個價錢，都有這個質素算係唔錯架啦，我地都食到好飽。我真係食左好多沙律，係勁多醬呀，實肥死！由於環境及裝潢頗舊的關係，感覺唔夠高級，如果要花近三百元同人食晚飯、傾計，我一定唔會選擇呢度，除非真係好想睇夜景而唔係為左食野啦。所以中午來
個時係做緊特價的lunch buffet，星期一至六每位$98(未加一)。見幾扺，而星期六又唔駛返工，就同媽子倆來歷史尤久的這裡看看香港的景色，因為其餘家庭成員唔係要返工，就係唔得閒，咁就做就左我同媽子的二人世界啦！
由於我一星期前已book了位，所以佢俾左個好正的位我地，窗口位之餘仲好近食物處，但一入內，就俾左我一個好舊的感覺，佢真係需要翻一翻新至掂呀！
食物方面都唔expect會好正，一定同酒店無得比，果然如我所料，確係普通貨色，生蠔唔新鮮，媽子話最正反而係日式八爪魚，但感到味精好重。熱盤選擇唔多，蒸魚明顯係急凍的，我反而鍾意佢的沙律，ｄ醬唔錯，菜的種類都OK，壽司就真係一般啦，好冷飯feel，硬硬的，而甜品有雀巢的杯裝雪糕，幾衛生但太普通，其他甜品都只係一般，款式都係少，覺得最好味係個麵包布甸。但係以這個價錢，都有這個質素算係唔錯架啦，我地都食到好飽。我真係食左好多沙律，係勁多醬呀，實肥死！
由於環境及裝潢頗舊的關係，感覺唔夠高級，如果要花近三百元同人食晚飯、傾計，我一定唔會選擇呢度，除非真係好想睇夜景而唔係為左食野啦。所以中午來都算係我地明智的選擇。
張貼
