新派素食 (已結業)

原來好多印度餐廳都有lunch buffet, 呢度係素食餐廳, lunch buffet 每位$80包飲品一杯, 其實食幾款就已經飽, 因為印度菜都比較油膩, 餸有3-4款, 有印度飯任食,2款沙律, 雖然出面唔見有薄餅, 但你可以order, 係個buffet入面包埋架, 可能怕放出黎唔夠新鮮掛, 仲有dosa都可以叫佢整, 而出面就放左米榚, 炸圈, 炸香草餅,呢d都可以點汁食, 另外仲有2款印度甜品, 有個係搵carrot同埋d果仁做既, 呢個我麻麻地, 但另一個係杏仁汁整既, 奶黃色, 其實我都唔知佢叫乜名, 但呢個就唔錯, 印象中既印度甜品係好甜, 但呢度2款都唔算太甜, 好o岩我口味,仲有西瓜一款生果做飯後果本來想叫mango lissi, 但太飽, 所以只叫masala tea, 似奶茶, 但佢加左d香料煲, 本人覺得好香好飲好多