666泰船麵 (德輔道西) (已結業)

西營盤電車路大街的泰國小店，室內係大排檔式摺檯凳，位置唔多。 平日放lunch過來，可能附近商業大廈唔多，12:30左右都仲有位。其實呢間招牌應該係船面，但都有唔少其他選擇。自家制泰式凍奶茶 （$20）奶茶都唔細枝，茶味香濃幼滑。一直都鐘意飲泰式奶茶嘅我會覺得甜度剛剛好，同泰國當地嘅奶茶差不多味道，但飲開港式奶茶嘅可能覺得太甜。泰式海南雞飯 （$46）飯嘅份量十分多，但個人認為油飯味道唔夠濃郁，飯粒有d太軟。 雞有齊雞腿、雞翼同雞胸部分，雞肉都幾滑同入味。