喜之次 (已結業)

今日無意中放lunch去試呢間日本菜，點知一入到去就有驚喜，因為可以係天氣好既日子從高處遠眺維港！ 我同朋友分別點左4個lunch set，質素黎講真係區內數一數二。我自己就點左一份刺身拼盤lunch set，前菜有沙津、麵鼓湯同埋日式蒸水蛋，我個人就覺得沙津就正常發揮啦，但係個水蛋真係幾出色，濃味得黎仲好滑。主菜既刺身算係高水準，尤其係個吞拿魚腩同鯛魚刺身，份量十足而且食唔到出面一般既雪味，配埋暖身壽司飯，唔驚食唔飽。我啲朋友就點左手握壽司拼盤同海膽刺身飯，有啲後悔冇點到佢個個，特別我係海膽愛好者！美中不足既係，由於我朋友因爲個人唔鍾意食wasabi, 而佢地會好似傳統壽司店咁放左啲wasabi去壽司入面，落單個陣講左但侍應忘記了⋯⋯不過影響唔算大既。總括而言，呢個價錢食到呢個質素，加上lunch time既無敵大海景，絕對係物超所值，值得一試。