紅磡冰室 (已結業)

以為係港島區食飯呢會好貴，今日嚟到炮台山呢頭，都幾多嘢食選擇，比如呢一間都可以叫做快靚正嘅茶餐廳，常餐都係40幾蚊。用餐環境算舒適，裝修幾新，通常都係坐卡位。今日揀咗常餐A，主菜係番茄鮮牛肉通心粉，另外仲可以加炒蛋、蒜蓉包同埋餐飲。份量非常足夠，而且「番茄鮮牛肉通心粉」用料冇偷雞，除左牛肉，仲有成大舊番茄，湯底亦好濃郁嘅番茄味。特別鍾意食蒜蓉包，包好軟又有好香嘅蒜香。餐飲叫左熱Horlick 加煉奶。