L'AMOUR

營業中

休息中

難得琴日放假，男朋友想食好啲，重話想食蠔，於是同佢去左大埔呢間餐廳試一試佢，一到門口，已俾佢大門裝修吸引住，之後禁鐘，職員一開門，入面完全係第二個世界，最神奇係佢對門玻璃，一開門，玻璃就會變透明而閂門會就會變蒙，彷彿與出邊世界隔絕一樣，可以專心chill返幾個鐘，之後一坐低，已經被佢個吧枱設計吸到住，再睇一睇餐牌，我同男朋友二話不說即刻叫左佢個388生蠔套餐，呢個套餐有6隻生蠔配兩杯1664啤酒，另外我哋再叫咗一杯紅酒同cocktail,加多一個黑松露薯條，首先生蠔方面係令我最回味無窮，佢有三款唔同嘅蠔，但每一款都蠔肉飽滿，海水味十足，一啖食落去，完全唔想吞，每食完一隻之後，都有種講唔出既幸福感，而我叫既cocktail係sex on the beach ，呢杯cocktail非常岩女仔飲，因為非常甜，飲落完全感覺唔到酒味，而黑松露薯條方面，滿滿黑松露鋪滿全部薯條，每食一條薯條都有黑松露嘅味道，再加埋佢個黑松露醬，完全係完美配搭，整體而言， 呢一間餐廳，完美程度係令我哋異口同聲一定要返轉頭再食多次，係一間非常啱慶祝節日去嘅餐廳