影片
更多
2018-01-24
2249 瀏覽
有一段時間冇食泰國野，雖然未到happy friday，難得今日過海，就食埋飯先歸家。同個舊同事來左呢間位於蘭桂坊嘅泰國野，抬頭會見到佢地嘅招牌，不過因為樓上鋪，所以地下駐有店員，佢好快手安排左我地上2樓，因為餐廳都幾大，佢仲有3樓架。上到去見到都幾多人食緊飯，被安排坐到角落嘅四人枱，因為我地身型比較大，坐得舒適。雖然係高枱凳，但係唔會坐得唔舒服呢度嘅店員都幾nice，好快送上餐牌同水，我地揭左好耐，諗緊到底點唔點套餐，因為有個288/位嘅餐都幾多野食，有沙律、湯、小食、主菜、甜品，不過同事睇過話想散叫，因為佢想食魚！都推介呢間泰菜，菜式啱香港人口味，唔會太辣，而且份量很足夠，價錢可以接受炸蝦餅 98：炸蝦餅新鮮熱辣，四件切半，件件脹卜卜，真材實料，外皮炸漿唔會太厚粉，食落香脆唔會油膩。裡面嘅蝦肉成份多，口感好彈牙，我自己食左幾件原本冇打算點個咖喱，但見到枱面呢個menu，話有每週滋味推介，一共五個weeks，每個禮拜有一款咖喱做特價，只需10蚊今個星期做緊黃咖喱，之後會有帕能咖喱、青咖喱，而最後一星期係紅咖喱，抵到爛，中環喎。除左咖喱，裡面可配豬、牛、雞、蔬菜。黃咖喱牛 10：當然啦
呢度嘅店員都幾nice，好快送上餐牌同水，我地揭左好耐，諗緊到底點唔點套餐，因為有個288/位嘅餐都幾多野食，有沙律、湯、小食、主菜、甜品，不過同事睇過話想散叫，因為佢想食魚！都推介呢間泰菜，菜式啱香港人口味，唔會太辣，而且份量很足夠，價錢可以接受
炸蝦餅 98：炸蝦餅新鮮熱辣，四件切半，件件脹卜卜，真材實料，外皮炸漿唔會太厚粉，食落香脆唔會油膩。
裡面嘅蝦肉成份多，口感好彈牙，我自己食左幾件
原本冇打算點個咖喱，但見到枱面呢個menu，話有每週滋味推介，一共五個weeks，每個禮拜有一款咖喱做特價，只需10蚊
今個星期做緊黃咖喱，之後會有帕能咖喱、青咖喱，而最後一星期係紅咖喱，抵到爛，中環喎。
除左咖喱，裡面可配豬、牛、雞、蔬菜。
黃咖喱牛 10：當然啦，價錢咁平，份量就唔多，但兩至三個人夠哂。咖喱唔會太杰或者太稀身，啱啱好，仲有不少牛肉、薯仔，呢個價錢冇得唔點啦，之後配個飯或者薄餅撈咖喱汁，一流。咖喱香而不辣，牛肉有啲韌，都ok啦。
泰式鮮檸蒸爐魚 224：同事好想食嘅爐魚，一上枱都幾有份量，有蔥、粉絲、菇、肉碎鋪面，本來以為食唔哂，ha，真係諗多左，食清光。
魚肉唔算滑溜，但都唔會好老，爐魚細骨唔多，大部分都喺中間，而且份量足，兩至三人食夠哂，粉絲都好淋，好入味。
佢另外附上一碗湯底，可以一路滾一路加少少湯，唔怕條魚乾或者冇汁。
泰式風味就主要來自呢碗泰式醬，點少少汁，酸酸辣辣，勁開胃
椰汁焗飯 123：焗飯可以配豬、牛、雞、蔬菜或者加廿蚊配蝦，我地揀左雞肉，個人建議揀其他，因為雞肉比較鞋口，而且略鹹。
椰汁焗飯用椰殼盛載，賣相幾靚，面頭有啲腰果。飯煮到黏身，因為加左椰漿，所以好清香，份量好多
蒜香椒絲炒椰菜苗 85：椰菜苗都幾嫩，幾爽口，但調味略重手，有啲重口味，偏鹹少少。
張貼
