Burger Bar (已結業)

適逢世界盃熱潮我同朋友去咗蘭桂坊飲嘢兼食飯，當日我哋去咗一間啱啱開張無耐嘅美式漢堡餐廳，見到佢嘅開放式門口同簡約嘅裝修就比佢吸引左入去啦！由於當日有2個朋友一齊去，所以我地分別嗌左3個完全唔同既Burger諗住大家share食:招牌流心芝士漢堡，英式早餐漢堡同雞扒漢堡。另外我地仲加左個Promotion既薯條同洋蔥圈。3款burget都各有特色，首先有我朋友嗌既招牌流心芝士漢堡，佢既芝士味好濃郁但同時無掩蓋左牛肉既香味，每一啖都好似真係有芝士流緊出黎咁而我簡既係呢個特別既英式早餐漢堡，佢將All Day Breakfast有既材料都放左入去，煎蛋牛肉漢堡扒蕃茄煙肉一應俱全，而我個人認為可以首先拎起，食到一半既時候可以放返入去，如果唔係2大塊煙肉真係令我地唔知點食起最後我朋友嗌既雞扒burger亦都無令我地失望，黑椒汁既味道無蓋過左雞扒既juicy同鮮味，每一啖既雞扒都有好多肉汁並唔似市面上有啲burger將雞扒煎到好乾，值得一試再試呀！