好日咖啡店 (已結業)

牛油果青醬雜菜意粉，醬汁好creamy ，牛油果一d都唔輸蝕比真牛油，豆、紅蘿蔔、栗米仔熱爽脆，就算無肉食，都唔會覺得dry。無骨雞腿扒飯，啖啖肉得黎唔鞋，甜酸汁醒胃，扒下扒下又食完。 兩個lunch set都配有牛油多士，烘至乾身香脆，確實係加分。最狂莫過於食埋珍寶蘑菇雙層芝士牛肉漢堡，疊到咁高又真材實料，揸埋勉強咬到，肉汁咇晒出黎，又蘑菇又芝士塞滿口好複雜，大滿足。另外點多個松露醬炸薯條同棒棒雞，前者條條原整有薯仔味，後者就普通炸雞，勝在樣靚。