一起果醬 (已結業)

聖誕節完咗，終於可以得到一個good morning !黑毛豬扒全日早餐 $129假日嘅第一餐係全日早餐，無可否認係一個好開始，而且一啲都唔過份！芝士炒蛋一啲都唔膩，滑嘟嘟，芝士味唔太濃。黑毛豬扒，份量一般，不過以質量取勝，肉質彈牙，有肉味，仲好有肉汁。果醬多士，餐廳有勁多款果醬揀，選擇困難呀，好彩有店員幫忙推介，熱情果，酸酸甜甜，口感清新，襯多士好新鮮。蛋糕最後以一件朱古力蛋糕作結，完美！朱古力唔會死甜，有香濃既可可味，多層次，食落口唔會膩，海綿部份冇硬，新鮮！