Jouer (已結業)

朋友係食家，香港島任何咖啡店，文青cafe，佢基本上都瞭如指掌。今日邀請佢陪我係灣仔整完電話，佢話帶我到一間隱世咖啡店。於是我地慢慢行、慢慢爬樓梯，上到黎星街附近嘅呢間cafe。環境清幽，感覺似上環爬上樓梯果一堆咖啡店，但呢度少一份嘈雜，多一份詩意。朋友大力推介Banoffee cake。一般英式Banoffee係代表banana + toffee，相信呢度都一樣，而我自己亦私人加多個 coffee嘅意思俾佢，因為甜美蛋糕配上一杯好咖啡，一流。海綿蛋糕每層中間夾住香滑嘅忌廉，忌廉香蕉味出眾，整體甜度亦適中，確實令人一試難忘。