麥金.麥金馬來西亞特式茶啡室 (已結業)

今日遲出來食lunch，1點半先出黎，行過麥金。我知佢地都開左好一段時間但一直都未黎試，見環境幾好，呢個鐘數又無咩人就趁呢個機會去試吓。叫左個娘惹咖喱雞配參巴椰漿飯$58，餐飲揀拉茶。食物賣相唔錯，但個飯太濕，味道同我食開嘅都有啲唔同。個咖喱雞同薯仔味道都可以但感覺都係同平時食開嘅馬拉嘢有啲出入，但我唔係食家，講唔出差左乜。個辣醬就最ok。其實整體食物嘅味道係OK。但杯拉茶就真係好麻麻。值得讚係環境幾舒適乾淨，服務都好好。