一哥點心 (已結業)

今日好夜先食晚餐，教育路一帶好多食肆已經收舖，基本上得返點心舖未收，之前有食開東哥都覺得唔錯，於是今次就試試斜對面呢間一哥。佢嘅招牌紫薯流心煎堆，食落無煎堆咁軟熟，不過味道唔錯，流心餡都幾好食！另外有一樣必食嘅千島醬炸蘿蔔糕，食落有啲似大阪燒，不過一人一件的話會食到好飽，建議都係超過6人先嗌！蒸飯方面，我覺得肉餅就比較遜色，鳳爪排骨都正常。整體嚟講都係唔錯！