影片
更多
2008-12-08
9 瀏覽
7-12-20080係食友 M 的 Facebook 見到呢度心太軟的相片, 引到我流晒口水, 今日拉了朱古力癡朋友0黎試試. Lunch hour 兩個人幫襯, 又無理由淨叫一客心太軟咁混吉, 索性0係度食埋 lunch. 一人一份 set lunch (有 starter, main 及飲品), 再加兩份甜品 (叫套餐可以低於原價加甜品) share 食.- 先0黎 table bread, 係烘得幾鬆脆的 baguette, 唔錯唔錯; 幾欣賞有黑醋及 olive oil 供應, 不過黑醋甜得離奇, 質地杰杰的 (!?!?!?!?), 仲用豉油碟載住, 怪到無人有!- Starter 揀了 green salad, d 菜一般新鮮又一般爽脆, dressing 就落得夠, 而且幾開胃, 可以接受吧.- 朋友的 starter 係南瓜忌廉湯, 唔係好飲得出係南瓜, 又唔算好 creamy, 不過味道叫 ok, 都及格的...- Main course 揀了「法式燒羊架」($78) 配薯菜,「5 成熟」... 羊架係疑似「寶雲酥」做法, 羊味 ok, 食落唔0鞋, 不過亦唔算腍,
0係食友 M 的 Facebook 見到呢度心太軟的相片, 引到我流晒口水, 今日拉了朱古力癡朋友0黎試試. Lunch hour 兩個人幫襯, 又無理由淨叫一客心太軟咁混吉, 索性0係度食埋 lunch. 一人一份 set lunch (有 starter, main 及飲品), 再加兩份甜品 (叫套餐可以低於原價加甜品) share 食.
- 先0黎 table bread, 係烘得幾鬆脆的 baguette, 唔錯唔錯; 幾欣賞有黑醋及 olive oil 供應, 不過黑醋甜得離奇, 質地杰杰的 (!?!?!?!?), 仲用豉油碟載住, 怪到無人有!
- Starter 揀了 green salad, d 菜一般新鮮又一般爽脆, dressing 就落得夠, 而且幾開胃, 可以接受吧.
- 朋友的 starter 係南瓜忌廉湯, 唔係好飲得出係南瓜, 又唔算好 creamy, 不過味道叫 ok, 都及格的...
- Main course 揀了「法式燒羊架」($78) 配薯菜,「5 成熟」... 羊架係疑似「寶雲酥」做法, 羊味 ok, 食落唔0鞋, 不過亦唔算腍, 而且實在 well-done 到阿媽都唔認得, 肉汁近乎零; 唔想「乾哽」, 唯有蘸 d 落 mustard seeds 的醬汁, 叫做易 d 入口吧. Mashed potato 就係「開粉」式, 無薯味又糊口, 打冷震. 好港式的一客羊架, 絕不推介.
- 朋友的 main course 係煙三文魚忌廉汁 penne... 試了一啖, 忌廉汁淡口得很, penne 少少 overcooked, 碎濕濕的煙三文魚食唔出煙燻味, 仲有大量無0個樣整0個樣的青紅椒, 令賣相更「港化」之餘, 亦影響食味. 唔怪得朋友食剩了 1/4 碟!
鹹食幾唔得, 不過甜品亦唔好得好多:
- Creme brulee (原價 $28; 叫套餐就只需加 $10): 一睇個樣就知面層焦糖太薄, 食落唔脆, 唔夠甜 (!!!), 仲好似帶點流質, 你話佢無「火炙」過我都信! 不過下面的 custard 仲衰, 雖然質地好似好滑, 但食落完全無味, 底部仲嚴重出水, 十足唔記得落鹽的蒸水蛋, 難食到嘔. 呢壇0野絕對係我食過最難食的 creme brulee, 大家千祈唔好叫!
- 可幸朱古力心太軟 (原價 $28; 叫套餐就加 $18) 唔差 -- 熱辣辣, 外層少少脆身, 流出來的朱古力漿夠多, $28 0黎講味道亦算香甜, 嗜心太軟的, 可以一試.
最後餐飲揀了熱咖啡, 奉上普通奶... 未飲就聞到低質 instant coffee 的酸澀味, 飲落亦然, 勉強飲了兩啖後立即將佢推埋一邊.
朋友就飲晒佢杯熱奶茶, 應該點都好過我杯咖啡吧.
餐廳地方唔大, 不過放了唔少位, 都幾有壓迫感; 招呼無特別.
連加一每人約 $85, 價錢同中環 Green Mouse 的 budget lunch 一樣 (見 http://www.openrice.com/restaurant/commentdetail.htm?commentid=1952268), 但質素係天同地0既分別, 無興趣再0黎了.
唔知點解整體覺得佢勁似灣仔 La Bons (見 http://www.openrice.com/restaurant/commentdetail.htm?commentid=1918278), 唔通係同一老闆打理的?
張貼
