POPMAZE (裝修中)

今日放假，早上約了朋友在堅尼地城食早餐，去咗一間新開的咖啡店名叫 Popmaze，非常有在 LA 的風格，佈置及食物皆美式，所有食物份量都唔細，環境舒服。我哋食咗三款，全日早餐很豐富，兩隻太陽蛋、香腸、煙肉、薯條及冬菇，處理得剛好。芝士煙肉牛角包，一樣係份量十足，豐富的半溶芝士及醬汁大大提升食味。Croffle 是招牌，最鍾意中央質地煙韌而外層脆脆地的口感，配合新鮮士多啤梨及雪糕是黃金組合，非常鍾意。咖啡都唔錯，Americano 咖啡香，Latte 奶味討好。