珍煮丹 (已結業)

珍煮丹終終衝出台灣喇，好幸運咁就係第一站登陸香港，正式開張之後終於咁近唔駛飛台灣都飲得到喇，當然一開就勁多人會排隊。大大個招牌放門口，絕對吸晴又可以打卡，話明黑糖最出名緊係要有番個黑糖道既牌匾，店舖都唔算太細即場見到沖野飲既過程。一定要飲既係《黑糖珍珠鮮奶》($30)，黑糖珍珠熱辣辣咁放入去，店員好好咁提醒會熱到冰溶可以要多啲冰，攪匀哂就飲得個奶味好濃，珍珠夠煙韌同黑糖味真係好香。另一杯《黑糖布丁冬瓜拿鐵》($30)，黑糖甜甜地加上冬瓜既清新甜味，合埋一齊又唔會甜到漏岩岩好，布丁夠哂滑溜溜。店名：珍煮丹地址：銅鑼灣利園山道15號餐牌: