B&S 西班牙小食坊 (已結業)

成日去東廣場食飯都見到呢間小食坊坐滿人，原來呢個小食坊真係非一般小食坊，賣既係高質西班牙野食，唔怪得成日都咁多人。外面已經見到好多唔同既酒放左係度，可以一路嘆西班牙菜一邊飲杯酒同朋友傾下計，仲有隻好可愛既黑豬仔做標誌。入面有幾張枱可以坐，再入啲仲有一個小房仔提供私人空間，除左入面之外，外面都有一啲高枱位可以坐。店入面除左有大大個標誌之外，仲有幾個好可愛既標貼，寫住左佢地用既肉都係無抗生素無重金屬無激素無基因改造無農藥。西班牙最正既緊係有火腿，見到櫃入面一隻隻西班牙國寶黑毛豬火腿吊住係度真係超級吸引，而且仲要有埋證書寫明出品夠哂信心。咁吸引緊係要叫《36個月橡果黑毛豬火腿》($65)，用上左伊比利亞高原以橡子餵養既豬夠正宗同最好食，食落咸香味十足油脂豐富。食完前菜就叫左個湯，《黑毛豬羅宋湯》($48)個湯底幾濃，入面仲加入左黑毛豬火腿同黑毛豬肉一粒粒咁更有口感夠足料。叫左幾串串燒，《一口牛串燒》($45)一口牛配上左烤過既青椒，燒到中間嫩紅肉味濃，《黑毛豬爽梅肉串燒》($35)同《黑毛豬肋肉串燒》($35)都燒到酒脂勁豐富，每串都有加上唔同既香口椒類加上爽口既口感。食得多肉都要食下蔬菜，