影片
更多
2018-01-19
4529 瀏覽
香港會自家製既懷舊餅店愈黎愈少，難得深水埗廣為人知既仲有幾間，今日一於先試其中一間，呢度既糕點都係即日整夠哂新鮮。同另一間店唔一樣，覺得呢度姐姐好有禮貌好歡迎你買野既態度，令到人感覺好舒服唔似趕客咁黑口黑面，見到佢地仲同熟客有講有笑，真係有好多傳統糕點買得到呀。黑漆漆既《雞屎藤》($10/4件)，雞屎藤本身好有益既山草藥，用葉汁整既茶果就好健康，不過呢度整既較為實身，無咩韌度同清香感。另外《燒餅》($10/4件)，一共有四款包括原味奶皇蓮蓉同豆沙，原味夠煙韌上面灑上芝麻夠香口，蓮蓉甜度夠同餡料都豐富最好食。仲有超大粒既《燸米滋》($10/4件)，有花生同豆沙味，望下個豆沙幾多餡，個皮厚身不過加上多餡又幾好食。店名：生隆餅家地址：深水埗北河街68號地下
香港會自家製既懷舊餅店愈黎愈少，難得深水埗廣為人知既仲有幾間，今日一於先試其中一間，呢度既糕點都係即日整夠哂新鮮。
同另一間店唔一樣，覺得呢度姐姐好有禮貌好歡迎你買野既態度，令到人感覺好舒服唔似趕客咁黑口黑面，見到佢地仲同熟客有講有笑，真係有好多傳統糕點買得到呀。
黑漆漆既《雞屎藤》($10/4件)，雞屎藤本身好有益既山草藥，用葉汁整既茶果就好健康，不過呢度整既較為實身，無咩韌度同清香感。
另外《燒餅》($10/4件)，一共有四款包括原味奶皇蓮蓉同豆沙，原味夠煙韌上面灑上芝麻夠香口，蓮蓉甜度夠同餡料都豐富最好食。
仲有超大粒既《燸米滋》($10/4件)，有花生同豆沙味，望下個豆沙幾多餡，個皮厚身不過加上多餡又幾好食。
店名：生隆餅家
地址：深水埗北河街68號地下
張貼
