老點點心竹筒飯 (已結業)

起身好肚餓，一於去食點心，近近地決定食餐貴dd既老點。之前黎過，今次食d新野。佢地d野食基本上係唔洗等，但都keep到好味，無果種整起好耐既感覺。d食物名有幾個都幾爆架！食物方面我重點講幾個：唔知係味響應民運，竟然有民意义腸！每舊入面都有一大舊义燒，唔係酒樓果d得幾粒。向西嫩雞竹筒飯係怕唔飽而叫，話哂呢度廿幾蚊一個點心，係咁食都好貴，真係無叫錯，睇落細細個，但係不極都仲有，d飯多到大隻仔呀q都食唔哂...蝦春卷，慣左點沙律醬食，但呢個唔點都好好食，d蝦打得好到位，唔會太淋太多粉，仲好嫩口添個鳳爪最出色既地方係，佢唔似酒樓果d炆到淋哂，仲keep到爽爽的口感，好味道！最後要講個清酒雲吞雞，好難食！d清酒好酒精味，一d都唔香，搞到d雞苦哂，我地食左舊都無食喇，可能唔岩口味啦。（我地見隔離對內地情侶連d清酒都飲哂先走，以為好好味先叫）美中不足係坐得有d迫，不過香港地...又旺角...冇計