影片
更多
2025-07-31
576 瀏覽
Kaboom．維港夜景配創新泰菜 天台chill住食講起尖沙咀高質泰國菜，Kaboom絕對係我心中數一數二嘅首選！🥇 唔單止菜式玩fusion夠創新，成間餐廳仲充滿渡假feel嘅峇里風氛圍，環境舒服到爆～室內望到維港靚景，戶外位仲chill，透明頂蓋設計唔怕曬又唔怕淋雨，放工過嚟hea吓食嘢，美景同美食雙重享受，真係煩惱即刻掃走晒！今次我同朋友揀咗坐戶外天台位，一嚟貪佢夠開揚，二嚟高眺維港海景真係無得輸！ 個透明頂蓋仲超貼心，日頭有陽光透入嚟好warm，夜晚睇住星光點點，未食已經心情大好～🔥前菜小食：脆口vs清新雙重奏「Deep Sea Tacos」一上枱就搶fo！墨西哥粟米脆片夾住爆滿海鮮——彈牙鮮甜蝦肉，仲有啲大大粒脆脆魚子，一啖咬落去，「咔嚓」聲跟住係海洋鮮味湧出嚟，口感層次多到癲！😍 似食緊泰式海鮮版Nachos，但高級十萬倍！另一道「Yam Neua Thai Salad with Iberico Bellota Shoulder」就玩清新路線。西班牙Bellota火腿鹹香濃郁，但神奇地同泰式青瓜沙律超夾！酸甜辣汁醒胃，火腿油潤得嚟唔膩，「食到lam lam脷」，我哋秒清碟～
講起尖沙咀高質泰國菜，Kaboom絕對係我心中數一數二嘅首選！🥇
唔單止菜式玩fusion夠創新，
成間餐廳仲充滿渡假feel嘅峇里風氛圍，
環境舒服到爆～室內望到維港靚景，
戶外位仲chill，透明頂蓋設計唔怕曬又唔怕淋雨，
放工過嚟hea吓食嘢，美景同美食雙重享受，真係煩惱即刻掃走晒！
今次我同朋友揀咗坐戶外天台位，
一嚟貪佢夠開揚，二嚟高眺維港海景真係無得輸！
個透明頂蓋仲超貼心，日頭有陽光透入嚟好warm，
夜晚睇住星光點點，未食已經心情大好～
🔥前菜小食：脆口vs清新雙重奏
「Deep Sea Tacos」一上枱就搶fo！
墨西哥粟米脆片夾住爆滿海鮮——彈牙鮮甜蝦肉，
仲有啲大大粒脆脆魚子，一啖咬落去，「咔嚓」聲跟住係海洋鮮味湧出嚟，
口感層次多到癲！😍
似食緊泰式海鮮版Nachos，但高級十萬倍！
另一道「Yam Neua Thai Salad with Iberico Bellota Shoulder」就玩清新路線。
西班牙Bellota火腿鹹香濃郁，
但神奇地同泰式青瓜沙律超夾！
酸甜辣汁醒胃，火腿油潤得嚟唔膩，
「食到lam lam脷」，我哋秒清碟～
🍹飲品：打卡able嘅熱帶風情
Kaboom嘅cocktail名玩味十足，
我哋試咗「Mandalay」同「Padang」。
Padang用熱情果做base，有荔枝同檸檬的清新，酸甜中偏甜，勁易入口，少女心爆發！
Mandalay帶勁重菠蘿香氣，酸甜有道，係一款勁有熱帶feel 的特飲，飲左令人非常開胃
🍝主食：龍蝦意粉vs Prime牛扒 邪惡之選
「Lobster Pasta With Lobster Tail」係必點！
成條龍蝦尾鋪喺面，蝦肉爽甜到彈牙，
意粉掛滿濃郁龍蝦醬汁，但神奇在唔會膩，
仲有香草同蒜片提味，我同朋友爭住「啜」汁！🦞
牛魔王朋友點嘅「Grilled 1855 Prime Rib Eye Steak (10oz)」
（Medium熟度）一上枱就聞到炭香～
切開見到粉嫩肉心，咬落去juicy到爆，
仲有陣陣炭燒焦香，點少少海鹽已經夠正！
旁邊嘅烤蔬菜都好食到犯規，朋友食到「唔捨得講嘢」！🥩
Kaboom無論環境定食物都「冇得彈」，坐戶外睇住維港慢慢食，
真係有種「偽旅行」感覺～（P.S. 記得book位mark實天台位呀～）
餐廳：Kaboom
地址：尖沙咀北京道12A號太子集團中心20樓
張貼
