霞飛點心拉麵

本想去isquare搵食，奈何响地鐵站出站上樓梯時遇上除咗「响樓梯poor guy」之外更為黑仔嘅—「上樓梯時前排某君放毒氣」，唔小心索咗半啖之後，胃口即時打五折。於是上開飯網搵間附近最靠得住嘅多好評店食少少嘢至去睇戲。

點菜紙

呢啲點菜紙真係食評寫手們嘅恩物，準確記載菜名之餘，仲有埋價錢，我可以記少好多嘢。

不能揀的秘密

冇得揀飲咩茶，仲要畀隻崩口杯我，一於影低你。

奈何用得太殘了

酒味不如「八喜」，批量產雞肉太厚，失敗。真係一味糟糕了嘅雞。

八個字：皮薄餡靚多汁夠熱。

吊吊揈吓佢，真係有肉汁喎。

餡料同鮮肉小籠包一樣。酸辣湯應有嘅筍絲菰絲乜乜乜絲全部到都有，可惜佢嘅死酸死辣離行離列味道，唔係我杯茶。

咬開睇睇。

1

八個字：蔥香流汁餅薄鬆脆。

十三到底咩意思嘅？

人哋寫就有兩舊收，我寫就要畀兩舊幾埋單，世事嘅嘢真係耐人尋味。