Neway Karaoke Box (已結業)

我見食評好似寫得幾好咁，就去試下！但都失望，因為我前個禮拜去完創興NEWAY食K BUFFET，感覺比呢間光鮮，整齊同多種類。當然兩間都係有打邊爐，有日式櫃枱等。我冇食刺身壽司等，因為覺得好味既日本野應該唔0係呢度。佢仲有串燒！我行出黎兩次，兩次佢都係燒緊，永冇話READY可以拿！但佢個網上面係有好多串喎！唔通真係咁搶手？算啦！唔等佢。熱盤方面，我覺得沒有什麼吸引，但當然唔會話搵唔到一樣0岩食既野既！例如我都好鍾意食佢既牛仔骨，呢個真好味既！西蘭花唔知點解係超辣，但又辣得幾過癮。我最鍾意食甜品！但佢甜品種類真係超少！我估唔到竟然可以少成咁！人地創興0個間真係有雪糕，有幾款蛋糕，有PUFF，有人整PANCAKE，有特飲！呢度真係好遜色呢！不過算啦！我諗創興0個度算超值，呢度都唔算話好差！話晒BUFFET都只係33蚊一位！但我好欣賞佢既一個藍色衫既SUPERVISOR，佢叫KIT，因為我見到佢真係會睇下個自助餐位附近既質素！會提醒員工做好點！以下係真人真事: KIT:"個地下好滑，我差點跣低！" 員工"哦，你0者，唔係客呀？(以為講笑)" KIT:"我會跣低就客人都會跣低啦！抹下佢啦！"